- August 8, 2021
- Posted by: super_admin
- Categories: Finance & accounting, Front
काठमाडौं । बीमा समितिले भोलि हिमालयन रि-इन्स्योरेन्सको कार्यालय निरिक्षण गर्ने भएको छ । समितिले भोलि स्थलगत निरिक्षण गरेर व्यवसाय शुभारम्भका लागि अन्तिम स्वीकृति प्रदान गर्ने भएको हो । कम्पनीले बालुवाटारमा केन्द्रिय कार्यालय स्थापना गरेको छ ।
समितिले भोलि कम्पनीको कार्यालय लगायतका भौतिक तथा कम्पनको सफ्टवेयरको निरिक्षण गर्नेछ । निरिक्षणका क्रममा आवस्यक सुझाव दिएर व्यवसाय शुभारम्भका लागि अन्तिम स्वीकृति पनि दिने छ । कम्पनीले गएको साता पुनर्बीमा व्यवसाय सञ्चालन अनुमतिपत्र प्रदान गरेको थियो ।
समितिले हिमालयन रिलाई गत जेठ १७ गते लाइसेन्स प्रदान गर्ने निर्णय गरेको थियो । समितिको निर्णय पछि कम्पनीले आवस्यक पूँजी जुटाउनुका साथै कार्यालय स्थापनाको सम्पुर्ण तयारी पुरा गरेको छ । द्रुत गतिमा काम गरेको हिमालयनले प्रमुख कार्यकारी अधिकृत सहित तीन जना कर्मचारी भारतबाट ल्याएको छ । उनिहरुको नियुक्तिलाई अन्तिम स्वीकृतिका लागि बीमा समितिमा पेश गरिएको छ ।
समितिले अनुमति दिने वित्तीकै प्रमुख कार्यकारी अधिकृत विदेशबाट आउनेछन् । नेपालमा एउटा मात्रै पुनर्बीमा कम्पनी हुँदा स्वस्थ प्रतिपर्धा भएन भनेर समितिले थप एउटा कम्पनीलाई लाइसेन्स प्रदान गरेको हो । कम्पनीले मिल्यो भने भोलि नत्र पर्सी असार ३१ गते पुनर्बीमा व्यवसाय शुभारम्भ गर्ने तयारी गरेको छ ।
Source : https://insurancekhabar.com/2021/07/118118/
